التسليــك ..!!

موضوع: التسليــك ..!! الإثنين يونيو 14, 2010 9:58 pm

مـدخـٍـل :

طق طق طق .. مين عــ الباب ؟؟ أنا الذيب
وش تبغى ؟؟ أبغى علبة ألوان .. أي لون
فيه أحمر .. لالالا .. فيه أخضر .. لالالا
فيه أزرق .. لا لا لا .. فيه ابيض لا لا لا
فيه بنفسجي لا لا لا فيه بيج لا لا لا

مــســــآكـم الله بالخـير يالحبـآيب .. كيفكم ؟ وش لونكم ؟

-

اليوم نبي نتكلم عن شي في حيآتنآ اليومية وراح اعطيكم مواعظ عنه !

طبعا ما راح اتكلم عن التدخين والمخدرات والباقي من الخرابيط الآتيه

بالعكس راح اتكلم عن شي يستانس عليه الشعب السعودي راح نتكلم عن التسليك التسليك في المجتمع السـعودي ,

شي وآجب لكن بحدود .. يعني الانسان مو مشكله يسلك لكن لايسلك وآجد عشان مايتعب وهو يعطي العالم جوهم هع !

● مـآ هو التسـليـك ؟ ●

التسليك : هو ان تعطي المتحدث جوه يعني تمشيله وتحسسه انك مهتم ومتحمس لسالفته بينما انك ما تدري وش السآلفه وداري انه كذاب او سامج.

● أحـكـآم التسـليك ●

1- تسـليك وآجب [ هذا نوع من التسليك يُستخدم لما اهلك ينكتون وانت تضحك وتسلكلهم غصب .. حتى لو كانت النكته سآمجه واجب تضحك لأن لو ما ضحكت يعتبر من عقوق الوآلدين ]

2- تسـليك وآجب [ هذا نوع آخر من التسليك الواجب, مثلاً لو خويك يتلاسن هو وواحد ثاني .. وجاء خويك وذب ذبه على اللي يلاسنه , في هذا الوقت واجب انك تضحك حتى لو كانت الذبه سامجه لأنه خويك ]

3- تسـليك مستحب [ هذا التسليك يُستخدم في حآلات مثل هذي , لما تقآبل واحد ما شفته من زمان او تقابل واحد اول مرة تشوفه او واحد توك متعرف عليه وقال نكته .. المستحـب انك تسلكله حتى لو كانت النكته سـآمجه. ]

4- تسـليك فرض كفـآيه [ هذا يُستخدم عندما يشرح الأستاذ درس , الطلاب يسلكون له عشان يخلص بسرعه. فلو سلك طالب واحد , سقط التسليك عن الطلاب الباقين ]

5- تسـليك حرآم [ هذا لما خويك او اي واحد يقعد ينكت على العالم ويذب عليهم من وراهم وانت تضحك وتسلكله هذا يعتبر حرآم لانه من الغيبه ]

● مـتى تترك التسـليك وتبدأ بالتزبيد ؟ ●

يعني فيه شي يخليك تترك التسـليك وتقعد تزبد لـ العالم .. مثلا واحد دايم يفقش عليك ويعطيك من الرخيص وانت عارف انه كذاب بس تسلكله

عاد انت طفحت من كثر ما يكذب .. في هذي الحاله اترك التسـليك ! ازبدله وقله مع احترامي لك انت كذاب

< بالله وين الإحترآم فيه

يعني هذا النوع ماينفعله الا التزبيد , انت سلكله في البدآيه بس اذا شفته زودها علطول ازبدله

● فـلـســفـه ●

التسليكـ شي حلو ويجعل المجتمع مترابط اكثر واكثر ويعم بالسعادة على افراد المجتمع لأنك تعطي المتحدث جوه وهو يحبك لانه يحسبك متحمس مع سالفته .. وهذا الشي يجعل المجتمع يسود بين ارجآئه المحبة والألفة .. انا شخصيا احب اللي يسلكلي بس مو مره يعني يسلكلي في وقت الازمآت .. [ زي مره قلت نكته في فصلنا وما ضحك منها الا وآحد طبعا واضح انه يسلكلي بس اهم شي انه طلعني من الاحرآج .. وبصرآإحه حبيته من بعد ذآك اليوم ]

● مـآ يستــفــآد ●

┓┣ لازم تسلك بس مو مره يعني على خفيف ┫┏

┓┣ لاتنكت وآجد ولا تسولف وآجد لأن بيجي اليوم اللي يزبدون لك الناس فيه ┫┏

┓┣ يجـب عليك التحـلي بالأخلاق السـعودية ┫┏

وســــلآمتـكم

مخـٍــرج :

متى يجي بابا .. يجي الساعة 6
راكب ولاّ ماشي .. راكب بسكلته
حمرا ولاّ بيضا .. بيضا زي القشطة
وسعوا له السكة

Very Happy

مشكووووووووووووره

مشكووووووووووووووووووووره